[ مـُـسـَـاجـَلهـ شـِـعريـَـه ]

عطشان وصلك لكن شلون بـ ارتاق
لاصار وصلك عوق ومفارقك عوق ..!؟

ماني بـ احبك لكن ورب الآفآق
يا أني بدونك كن ماني بـ مخلوق ..!؟

فـ ان كنت ولهان لعيوني ومشتاق
انا وربي ما ذبحني سوى الشوق ..!؟

يقولون ليلى في العراق مريضةٌ
فياليتني كنت الطبيب المداويا

ودي // تكون الرمش

وأكون العين

وتضمني وتحميني

بأهدابكـ الثنتين

ودي // تكون القلب

وأكون نبضاته

وأصدق إنكـ ماتحيا

إلا على دقاته

ودي // تكون الجسد

وأكون الروح

وأروح معك

وين ماتروح؟

ودي // تكون الصحرا

وأكون المطر

وأتمنى الشوق

ينبت منه الزهر

ودي // تكون الكون

وأكون الشمس

وأحس إنكـ

تبي الدفا لو همس

ليت الذي ودّاك يا زين جابك..

تشوف عقبك.. كيف الأيام سوّن..

شرق مشيت.. وغرب وقتي مشى بك..

والقلب ما له لايم فيك.. لو ونّ..

خالـــد الفيصـــل ..

بعض العرب حبـه يـوردك الجنـون
ولا يوصف لـه غـلاه احكـاك لـه
مايقنعه وصف الغلا لـو وش يكـون
لو كل حـرفٍ بالحريـر يحـاك لـه
الموت جـاك وهـو تقلبـه الضنـون
ولا لك الا الصبر....وش وداك لـه؟

بن فطيس /

قاسي هـ البرد وضلوعي ماتكتفي بي ..!!

قلت الوعد .. قال الوعد يا بعد حيْ
لي صاح لك قلبي وقلبك دعاني ...

قـلت لك ياقــلب لاتآمــن غريـب
ليــش تحرقــني مـعاك وتـحـترق
بهالزمن ينساك حتى أقرب قريب
الوفـا فـي هـالـزمن حـبـر وورق
أنــا مـو أول ولا آخــر حـبـيــب
بالـنهايـه مـع حـبـيـبه يـفــتـرق
من متى صابت معي حتى تخيب
البـخـت ويـاي عـمـره ماصـدق
من يداوي جرحي اللي مايطيب
من يرد اللي من أيامي انسرق

ازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير

خالد الفيصل

اشتقت لأيام الهوى في جنابك .. يوم الشموع بليل الأحباب ضون

اشتقت أقول لهاتفك مرحبابك .. اشتقت لغيوم الصحاري تكون

خالد الفيصل /

اكتمل عمر خلي والبخت ما اكتمل
بان حبي بوجهه والغرام أجهده

عبدالرحمن الشمري /

أنا حبيبي بسمته تخجل الضي
يكسف سنا بدر الدجى من جبينه
راعي العيون الناعسه رمشها فّي
وإن سلهمت ذاب الحشا من حنينه
له نظرةِِ لا هي سَرابٍ ولا مَيّ
راعي الهوى تفنى وراها سنينه
نور الصبايا .. بسمة الدّار والحيّ
نوره ولا شمس الضحى تستبينه
دامه معي أغلى الحبايب فأنا حّي
بالقلب أضمّه يوم قلبي ضنينه
له في ضميري من لهيب الوله كي
روحي معه عذب المناجى رهينه
ياصاحبي لا تنشد الروح عن شيّ
أنا حبيبي .. نور كل المدينه

بدر بن عبدالمحسن

جا يشوف الحال كيف بعد ماهزه حنينه

وقبل يسألني سألته : كيف حالك يالحبيب؟

قال : انا كني غريب مضيع دروب المدينه

قلت : أنا كني مدينه تنتظر رجعة غريب

لـ فهد المسااعد

الحزن ماهو دايم .. لو جابلي كل حيله ..
ربك يبي يفرجها .. لكن بونس حالي ..

خلف مشــعان العنـزي .. heart

خــــلاص ومــاتــت الـــبــسمهـ وحـــارت خــطـــوة الأقـــدامـ
ولالــي غـــيـــر ذكـــراكــــمـ أســــولــف فـــي طــــواريهـــــا
عــلــى ويـــن نـــاوي تـــرحل وتـتــــركــنــي مع الاوهــــــامـ
تــــرى بــ ع ــــدكـ عـنـــي أكـــبـــــر من الــدنــيا ومافــيــــها
تــــودعــني وأنـا ضـــايـق ودمــــ ع ــــي بــــلل الاكـــمـــــامـ
عــســـى لـــيـــــلة وداعــــكـ مـا يـــعــــد الوقــت ماضـــيــــها
’’ نــســيـــت ,, الـــوصـــل والـــطــيـبهـ نـســيـت الحـلمـ والاحلامـ
’’ نـســيــــت ,, اللــي علــى شـــانــــكـ ولـــو يــصـ ع ــب أسـويـها

ايـــه أحـبــك .. عــاد مدري حـب أو حتــى جنــــون !!
ليت لو تدري .. حبـــك .. وش يســـوي بحــالتي ..

انت أرضــي .. وانت كــوني .. وانت لي حضن حنـــون
فيـك .. لـك .. منـك .. حيـاتي يا حياتي وسيرتي

ايـــه أحبــك .. ايـــه أحبـك .. حب يوصف بالجنون
حـــب هــــادم !! حــب يبـنــــي لـــي حـيـــاتي ودنيتــي

ترجيتـك وانـا دموعـي تنـادي لا تفارقنـي
تعال وعالج إحساس ٍ جرحته حيـل وأهملتـه

قتلت الشوق في لحظة عنادك وأنـت ظالمنـي
وحب ٍ مات في مهده حبيبي كيف أعدمته

تناسيت الغلا وبعدك ياليـت المـوت ياخذنـي
وترحل روح محرومه عزاها حـب ترجمتـه

قول للـي مابعـد ذاق الهـوى..!!
درسْ .. لاضميتني/ والشوق ذاب..!!

وعلّم اللي في حياته .. ماانكوى..!!
ويش معنى الضم/ من بعد الغياب..؟؟

خلْ خدك لاشـرق والا .. ضـوى
يشفي اللي منـك .. مـاوالله طـاب

ريّح اللـي تعّبـه/ طـول النـوى
حسّسه بالقرب .. لاشلت ( النقـاب )

ياحبيبـي يابعـد قلـب ٍ .. نــوى
يعشقك ليـن الممـات .. وللحسـاب

ياجنونـي .. ياهيامـي .. يـالـدوا
يامـلاذي .. يالسعـاده .. يالعـذاب

إقلـط وصافـح غـرام ٍ .. مـاروا
منك والسبـه غرامـك.. يالسحـاب

إقلـط وهـاك الضميـر /وماحـوى
بفتحْه لك الف باب .. والـف بـاب

لك كتايب واقفه /وانـتْ ..( اللـوا )
حالفه .. لا .. ماتخونك .. بالكتـاب

لك خفوق ٍ فـي غيابـك / ماقـوى
دايم ٍ يسأل عليك/ بـلا جـواب ..!!

غيبتك من جدْ .. ملعونة ثـوى ..!!
نوب أشوفك حلم .. ونوبات ٍ سـراب

لكـن الله جابـك وصرنـا .. سـوا
ضمنـي يالعنبـو حـي العـتـاب

ضمني وإشرح لمنهو/ ماأنكـوى !!
ويش معنى الضم من بعد الغياب..؟؟

هذي لـي أناا shy

^
جد
اذا كانت لك .. فأنت شاعر

وعجبتني كثيرر
واذا كانت لك .. تراها تستاهل موضوع لحاله مب رد

:

من الفرحة نسيت اني عليك البارحه زعلان
نسيت اقول لـــــــــو تسمح تكرم لا تلكمني