والله أنـا !!

والله آنآ من صغري .. ونفسـي فيـك مامـوره
صدقت وسقت لك قلب ٍ يحبك .. وأكثـره طيبـه

وأنا طبعي مثل ربعي .. وعهدى مااهدم جسـوره
وأذا قلت العهد يعنـي .. اوفـي بـه اوفـي بـه

حبيبي كيف أبنسى والهوى لك باني قصـوره ..؟؟
بجوفي .. وأكثر وأكثر مخفي لك .. بخافـي بـه

حبيبي جيت والدنيا غدت من جيـت .. ممطـوره
رويت ارض الخفوق اللي .. تصبح به وتمسي به

لك الله ماحد ٍ غيـرك شعـوري هـام لشعـوره
ولايمكن يجي غيرك .. وغيرك ويش انـا ابيبـه

أبهديك القصايد كـل أبوهـا عشـق .. منثـوره
وأبطفي بك جمر بعدك .. وأببعـد عـن لواهيبـه

وأبضحك وإطرد احزاني .. وأرجّع مافنـى دوره
وأعيشك واقع ٍ يقطع .. جـذور الشـك والريبـه

وأبجمع كل أبو جـد الغـرام وأسكـب عطـوره
وأرش الكون بحضورك .. ( ياعم الملح والهيبه )

وانا شاعر وكل شاعـر يبـي يكتـب لجمهـوره
وأنا جمهوري عيونك مدام عيونـك ..مصيبـه !!

وإذا شفت القصايد في ( فواصل ) يـوم منشـوره
تراها بس من حبـك ..أبـي أرضـي مطاليبـه

هلا بك والهوى جيش ٍ .. وقف لك كـل طابـوره
يغني بس لرجوعـك .. وانـا مثلـه بغنـي بـه

بغني به وأغني لك .. مثـل ماقـال ابـو نـوره
هلا يامطـول الغيبـه .. هـلا يامطـول الغيبـه

لك الله ماحد ٍ غيـرك شعـوري هـام لشعـوره
ولايمكن يجي غيرك .. وغيرك ويش انـا ابيبـه

أحب أقرا هالبيت